Բաքվի մերձակայքում հրաբուխ է ժայթքել

Բաքվի Գարադաղի շրջանի Լոքբաթան բնակավայրի մոտ ցեխի հրաբուխ է ժայթքել։

Caliber.Az-ի փոխանցմամբ՝ մոտ 15 մետր բարձրությամբ ցեխի արտանետման հետևանքով ոչ ոք չի տուժել։

Նշենք, որ աշխարհում կա մոտ 800 ցեխային հրաբուխ, որոնցից 350-ը գտնվում են Ադրբեջանում։ Ընդ որում՝ այդ հրաբուխներից մի քանիսը բավականին մեծ և վտանգավոր են. ժայթքումներն ուղեկցվում են գազի կոնդենսատի պայթյուններով և երբեմն նույնիսկ զգալի բռնկումներով, քանի որ դրանք, որպես կանոն, գտնվում են անմիջականորեն նավթի և գազի հանքավայրերի վրա: