Ադրբեջանի մշտական ներկայացուցիչը ԻՀԿ գլխավոր քարտուղարի հետ քննարկել է համագործակցության զարգացումը

Իսլամական համագործակցության կազմակերպությունում (ԻՀԿ) Ադրբեջանի մշտական ներկայացուցիչ Շահին Աբդուլլաևը կազմակերպության գլխավոր քարտուղար Հիսեյն Բրահիմ Թահայի հետ քննարկել է տարբեր ոլորտներում համագործակցության հեռանկարները։

Caliber.Az-ի փոխանցմամբ՝ այս մասին հայտնում է կազմակերպության մամուլի ծառայությունը։

«Այսօր՝ 2025 թվականի հունվարի 27-ին, Թահան ընդունել է ԻՀԿ-ում Ադրբեջանի Հանրապետության մշտական ներկայացուցիչ, դեսպան Շահին Աբդուլլաևին ԻՀԿ-ի գլխավոր քարտուղարության կենտրոնակայանում գտնվող իր գրասենյակում»,- ասված է հաղորդագրությունում։

Նշվում է, որ կողմերը բարձր են գնահատել ԻՀԿ-ի և Բաքվի միջև հարաբերությունների մակարդակը և քննարկել տարբեր ոլորտներում համագործակցության հեռանկարները:

«Գլխավոր քարտուղարը բարձր է գնահատել Ադրբեջանի աջակցությունը ԻՀԿ-ի գործունեությանը։ Կողմերը քննարկել են նաև կազմակերպության օրակարգային մի շարք հարցեր»,- պարզաբանել են մամուլի ծառայությունից։