Ադրբեջանից Սիրիա է մեկնել մարդասիրական օգնության առաջին քարավանը ՏԵՍԱՆՅՈՒԹ

Ադրբեջանի նախագահի հանձնարարությամբ՝ մարդասիրական օգնություն է ուղարկվել Սիրիայի բնակչությանը օգնություն ցուցաբերելու համար։

Ինչպես հաղորդում է Report-ը, այս մասին լրագրողներին ասել է՝ Ադրբեջանի արտաքին գործերի նախարարության մամուլի ծառայության ղեկավար Այխան Հաջիզադեն։

Նա նշել է, որ 10 բեռնատարներից բաղկացած շարասյունը կհասցնի մոտ 200 տոննա պարենային ապրանքներ։

«Մարդասիրական շարասյունը Իդլիբ մատակարարումներ կհասցնի Ադրբեջանից՝ Վրաստանի և Թուրքիայի տարածքով։ Ակնկալվում է, որ Սիրիայում կարիքավորներին օգնության բաշխումը կիրականացնի թուրքական AFAD կազմակերպությունը»,- ասվում է հաղորդագրության մեջ։