Այսօր Ադրբեջանում սգո օր է

Այսօր Ադրբեջանում սուգ է հայտարարվել Ակտաուի մոտակայքում AZAL-ի ինքնաթիռի կործանման հետևանքով բազմաթիվ զոհերի կապակցությամբ։

Ինչպես հաղորդում է Caliber.Az-ը, համապատասխան կարգադրություն է ստորագրել նախագահ Իլհամ Ալիևը։

Դեկտեմբերի 25-ին Ղազախստանի Ակտաու քաղաքի մոտ կործանվել է Ադրբեջանի ավիաընկերության Embraer ինքնաթիռը, որը Բաքվից Գրոզնի էր թռչում։

Ինքնաթիռում եղել է 67 մարդ, որից 42-ը՝ Ադրբեջանի, 16-ը՝ Ռուսաստանի, 6-ը՝ Ղազախստանի և 3-ը՝ Ղրղզստանի քաղաքացիներ։

Վերջին տվյալներով՝ ողջ է մնացել 29 ուղևոր։