Ադրբեջանի քաղաքական կուսակցությունները դատապարտել են՝ ինքնաթիռի կործանումը քաղաքական շահարկումների վերածելու փորձերը

Ադրբեջանի քաղաքական կուսակցությունները հայտարարություն են տարածել՝ Ղազախստանի Ակտաու քաղաքի մոտ Բաքու-Գրոզնի չվերթ իրականացնող՝ AZAL ավիաընկերության Embraer 190 մարդատար ինքնաթիռի կործանման կապակցությամբ։
 
Report-ի փոխանցմամբ՝ հայտարարությունը ստորագրել են երկրի 24 քաղաքական կուսակցություններ։
 
«2024 թվականի դեկտեմբերի 25-ին՝ «Ադրբեջանական ավիաուղիներ»-ի մարդատար ինքնաթիռի վթարի հետևանքով մարդկանց զոհվելն ու վիրավորվելը խորապես  վշտացրել է մեր ողջ ժողովրդին։ Միջադեպի կապակցությամբ Ադրբեջանի նախագահ Իլհամ Ալիևը հետաձգել է իր այցը Ռուսաստանի Դաշնություն, շտապ վերադարձել երկիր և օպերատիվ խորհրդակցություն է անցկացրել՝ հետևանքների վերացման և աղետի պատճառների հետաքննության համար։  Պետության ղեկավարի համապատասխան  կարգադրությունների համաձայն՝ ստեղծվել է պետական ​​հանձնաժողով՝ աղետի պատճառները հետաքննելու, զոհվածների և վիրավորների ընտանիքներին օգնություն ցուցաբերելու, ինչպես նաև աղետից տուժած օտարերկրյա քաղաքացիների հետ կապված հարցերը լուծելու համար Երկրում մեկօրյա սուգ է հայտարարվել»,- ասված է հաղորդագրության մեջ։