«Բաքու-Գրոզնի չվերթ»-ի ողբերգությունը. ի՞նչ է պատմել դիսպետչեր Ալի Իդրիսովը հարցաքննության ժամանակ

ВЧК-ОГПУ-ի Telegram ալիքին, որի անունը ուղղակիորեն վերաբերում է ներկայիս ФСБ-ին նախորդած կազմակերպություններին, նոր մանրամասներ են հայտնի դարձել AZAL-ի ինքնաթիռի կործանման մասին։

Նշվում է, որ ողբերգության պահին ինքնաթիռը ուղղորդող դիսպետչերը եղել է՝ «Թերեք» ֆուտբոլային ակումբի (այժմ՝ «Ախմատ») նախկին խաղացող Ալի Իդրիսովը։ Նա երեկ երեկոյան հարցաքննվել է։ Իդրիսովը պնդում է, որ ինքնաթիռի վայրէջքի պահին ինքը տեղյակ չի եղել հակաօդային պաշտպանության գործողության մասին, իսկ «Կովյոր» պլանի մասին տեղեկություն է ստացել արտակարգ իրավիճակից հինգ րոպե անց։

«Երեկ, ամբողջ երեկոյան, Ռուսաստանի Դաշնության Քննչական կոմիտեի քննիչները հարցաքննել են՝ Գրոզնիում Օդային երթևեկության կառավարման պետական ​​կորպորացիայի տեղական մասնաճյուղի աշխատակիցներին:

Գրոզնիի երկնքում օդային միջադեպի վերաբերյալ (առայժմ վկայի կարգավիճակում) ցուցմունք է տվել չկայացած՝ «Բաքու-Գրոզնի» չվերթի ինքնաթիռը համակարգող դիսպետչեր Ալի Իդրիսովը:

Հետաքրքիր փաստ. Ալի Իդրիսովը մինչ դիսպետչեր դառնալը պրոֆեսիոնալ ֆուտբոլիստ էր և հանդես էր գալիս Գրոզնիի «Թերեքում» (այժմ՝ «Ախմատ»): Բուտսերը հանելուց հետո, 2016 թվականին նա աշխատանքի է ընդունվել որպես իրավաբան Շինարարների միջտարածաշրջանային միավորումում։ Իսկ հետո, մի քանի տարի առաջ, 33-ամյա Ալի Իդրիսովը դարձավ դիսպետչեր։

ВЧК-ОГПУ-ի տեղեկության համաձայն, Իդրիսովը  հաստատում է, որ ինքը պատկերացում չի ունեցել անօդաչու թռչող սարքերի հարձակման և հակաօդային պաշտպանության գործողության մասին։ Նա, իբր, ինքնին միջադեպը մինչև վերջ համարել է թռչունների հետ բախման հետևանք՝ հիմնվելով ինքնաթիռի անձնակազմի հաղորդագրության  վրա։

Ալի Իդրիսովի խոսքով՝ «Կովյոր» պլանի մասին նա իմացել է 22-րդ րոպեին (Մոսկվայի ժամանակով ժամը 08:21-ի սահմաններում), այսինքն՝ հինգ րոպե անց այն բանից հետո, երբ ինքնաթիռի անձնակազմը հայտնել է օդանավի կործանման մասին, որը սխալմամբ ընդունվել է, որպես  թռչունների հետ բախում- նշում է ВЧК-ОГПУ-ն: