Բաքուն և Կիևը ամրապնդում են ռազմավարական գործընկերությունը

Ադրբեջանի փոխարտգործնախարար Սամիր Շարիֆովը հանդիպում է ունեցել Ուկրաինայի դեսպան Յուրի Գուսևի հետ։

APA-ի փոխանցմամբ՝ դեսպանը այս մասին գրել է Facebook-ում։

«Մենք արդյունավետ հանդիպում ունեցանք Ադրբեջանի փոխարտգործնախարար Սամիր Շարիֆովի հետ, բեղմնավոր բանակցություններ վարեցինք։ Ադրբեջանից մարդասիրական օգնության նոր խմբաքանակը՝ էներգետիկ սարքավորումներ, արդեն իսկ հասցվել է Ուկրաինա։ Մենք շնորհակալ ենք դրա համար։ Պայմանավորվեցինք մեր ռազմավարական գործընկերությունն ամրապնդելու համատեղ քայլերի շուրջ», - ընդգծել է դիվանագետը։