Էրդողանը շնորհակալություն է հայտնել Ալիևին, Թրամփին և Փաշինյանին

«Մենք սկզբից՝ Ադրբեջանի և Հայաստանի միջև խաղաղություն հաստատելու կոչ ենք արել կողմերին։ Մենք ուրախ ենք, որ օգոստոսի 8-ին ձեռնարկվեցին քայլեր, որոնք հարթում են երկու երկրների միջև  ամուր խաղաղության ճանապարհը»։
 
Ինչպես հաղորդում է Caliber.Az-ը, այս մասին՝ ՄԱԿ-ի Գլխավոր ասամբլեայի 80-րդ նստաշրջանի բարձր մակարդակի քննարկումներում՝ իր ելույթի   ժամանակ հայտարարել է Թուրքիայի նախագահ Ռեջեբ Թայիփ Էրդողանը:
 
«Ես կցանկանայի ևս մեկ անգամ շնորհավորել Ադրբեջանի նախագահ Իլհամ Ալիևին, Հայաստանի վարչապետ Նիկոլ Փաշինյանին և ԱՄՆ նախագահ Դոնալդ Թրամփին՝ այս գործընթացում ունեցած ներդրման համար և երախտագիտություն հայտնել նրանց», - հայտարարել է Թուրքիայի առաջնորդը։