Պակիստանի նախագահն ընդունել է Միլլի Մեջլիսի խոսնակին

Պակիստանի նախագահ Ասիֆ Ալի Զարդարին ընդունել է Միլլի Մեջլիսի (խորհրդարան) խոսնակ Սահիբա Գաֆարովային և Թուրքիայի Ազգային Մեծ Ժողովի (ԹԱՄԺ) խոսնակ Նուման Քուրթուլմուշին։

Caliber.Az-ի փոխանցմամբ՝ այս մասին X սոցիալական ցանցում գրել է Թուրքիայի խորհրդարանի խոսնակը:

«Շնորհակալություն եմ հայտնում Պակիստանի նախագահ Ասիֆ Ալի Զարդարիին ընդունելության համար և հուսով եմ, որ մեր այցը կամրապնդի Թուրքիայի և Պակիստանի միջև բարեկամությունը և կնպաստի մեր համագործակցության հետագա զարգացմանը բոլոր ոլորտներում», - նշել է նա։

Իսլամաբադում տեղի է ունեցել Ադրբեջանի, Պակիստանի և Թուրքիայի խորհրդարանների խոսնակների երրորդ եռակողմ հանդիպումը։