Հիքմեթ Հաջիևը Ադրբեջանի նախագահի՝ 10 օրվա ընթացքում երեք գագաթնաժողովների մասնակցելու մասին

Նախագահ Իլհամ Ալիևի մասնակցությունը երեք միջազգային գագաթնաժողովների ընդամենը տասը օրվա ընթացքում արտացոլում է երկրի արտաքին քաղաքականության բազմաչափ և բազմատարածաշրջանային բնույթը։

Caliber.Az-ի փոխանցմամբ՝ այս մասին X սոցիալական ցանցում գրել է Ադրբեջանի նախագահի օգնական, նախագահի աշխատակազմի արտաքին քաղաքականության բաժնի ղեկավար Հիքմեթ Հաջիևը։

«Միայն հոկտեմբերի առաջին տասնօրյակում նախագահ Իլհամ Ալիևը մասնակցել է երեք տարբեր գագաթնաժողովների՝ երեք տարբեր աշխարհագրական տարածաշրջաններում և ձևաչափերում։

Հոկտեմբերի 1-2՝ Եվրոպական քաղաքական համայնք, Կոպենհագեն։ Հանդիպումներ և քննարկումներ ԵՄ-ի և այլ եվրոպական գործընկեր երկրների հետ։

Հոկտեմբերի 6-7՝ Թյուրքական պետությունների կազմակերպության գագաթնաժողով Գաբալայում։ Թյուրքական աշխարհի համերաշխություն և միասնություն։

Հոկտեմբերի 9-10՝ ԱՊՀ գագաթնաժողով Դուշանբեում», - գրել է Հաջիևը։

Only in the first decade of October, President Ilham Aliyev participated in three different summits in three diverse geographies and formats.
   •   1–2 October – EPC, Copenhagen. Meetings and discussions with the EU and other partner European countries.
   •   6–7 October –…

— Hikmet Hajiyev (@HikmetHajiyev) October 10, 2025