Euronews-ը՝ Գաբալայում կայացած ԹՊԿ խորհրդի գագաթնաժողովի մասին

Euronews-ը ռեպորտաժ է պատրաստել Գաբալայում կայացած Թյուրքական պետությունների կազմակերպության (ԹՊԿ) անդամ պետությունների ղեկավարների խորհրդի 12-րդ գագաթնաժողովի մասին։

Ինչպես հաղորդում է Caliber.Az-ը, «Տարածաշրջանային միասնությունից մինչև գլոբալ ազդեցություն. Ադրբեջանում որոշել են թյուրքական ժողովուրդների դերը» վերնագրով սյուժեում ընդգծվում է, որ ներքին քաղաքական և տնտեսական կայունությունը, նշանակալի աշխարհագրական դիրքը, բարենպաստ ժողովրդագրական պատկերը և երիտասարդ բնակչությունը, տրանսպորտային և լոգիստիկ լայն հնարավորությունները, բնական պաշարները, ինչպես նաև աճող ռազմական և ռազմատեխնիկական ներուժը Թյուրքական պետությունների կազմակերպությունը դարձնում են կարևոր խաղացող համաշխարհային ասպարեզում։

«Թյուրքալեզու պետությունների կազմակերպության առաջնորդների խորհրդի 12-րդ գագաթնաժողովը համախմբեց Ադրբեջանի, Թուրքիայի, Ղազախստանի, Ուզբեկստանի, Ղրղզստանի, ինչպես նաև դիտորդի կարգավիճակում՝ Թուրքմենստանի և Հունգարիայի առաջնորդներին: ԹՊԿ-ն վաղուց է դուրս եկել իր սկզբնական մանդատի սահմաններից՝ նպաստելով թյուրքալեզու ժողովուրդների միջև համագործակցությանը: Ժամանակի ընթացքում այն ընդլայնել է իր նպատակները՝ համագործակցության ոլորտները հասցնելով 40-ի՝ ենթակառուցվածքներից և առևտրից մինչև ջրային ռեսուրսների կառավարում և նույնիսկ տիեզերքի ուսումնասիրություն», - նշվում է սյուժեում: