AZIREX-2025. Իրանի ՌԾՈՒ նավերը մտել են Ադրբեջանի տարածքային ջրեր ԼՈՒՍԱՆԿԱՐ

Իրանի Իսլամական Հանրապետության Ռազմածովային ուժերի նավերը և անձնակազմը մտել են Ադրբեջանի տարածքային ջրեր և ժամանել հանդիպման վայր՝ մասնակցելու AZIREX-2025 համատեղ որոնողափրկարարական զորավարժություններին, որոնք անցկացվելու են Ադրբեջանում։

Այս մասին Caliber.Az-ին հայտնել են Ադրբեջանի պաշտպանական գերատեսչությունից:

Կայացել է նավերի պաշտոնական դիմավորման արարողություն։ Միջոցառմանը մասնակցել են Ադրբեջանի Ռազմածովային ուժերի հրամանատարությունը և այլ պաշտոնյաներ։

Այնուհետև Ադրբեջանի Ռազմածովային ուժերի հրամանատարը հանդիպել է Իրանի Իսլամական Հանրապետության Ռազմածովային ուժերի պատվիրակության հետ։ Հանդիպմանը քննարկվել են երկկողմ համագործակցության ընդլայնման և AZIREX-2025 համատեղ որոնողափրկարարական զորավարժությունների կազմակերպման հարցեր։

Միջոցառման շրջանակներում տեղի է ունեցել զորավարժություններին նվիրված ճեպազրույց: