Ադրբեջանի, Թուրքիայի և Պակիստանի խորհրդարանների խոսնակները ստորագրել են «Իսլամաբադի հռչակագիրը»

Ադրբեջանի, Թուրքիայի և Պակիստանի խորհրդարանների խոսնակները ստորագրել են «Իսլամաբադի հռչակագիրը»։

Caliber.Az-ի փոխանցմամբ՝ այս մասին նշված է Թուրքիայի Ազգային Մեծ Ժողովի X սոցիալական ցանցի էջում։

Փաստաթուղթը ստորագրվել է Իսլամաբադում կայացած «Ադրբեջանի, Պակիստանի և Թուրքիայի խորհրդարանների խոսնակների հանդիպման» եզրափակիչ նիստում, որի թեման էր «Եղբայրական կապերի ամրապնդում. խորհրդարանական համագործակցություն հանուն տարածաշրջանային խաղաղության, անվտանգության և բարգավաճման»։

Հռչակագրի տակ իրենց ստորագրությունն են դրել Ադրբեջանի խորհրդարանի խոսնակ Սահիբա Գաֆարովան, Թուրքիայի խորհրդարանի խոսնակ Նուման Քուրթուլմուշը և Պակիստանի Ազգային ժողովի խոսնակ Սարդար Այազ Սադիկը։