Հայտնաբերվել են ադրբեջանական բանակի երկու զինծառայողների դիերը

Ադրբեջանի պաշտպանության նախարարությունը հայտնել է մարտի 19-ին ձնահյուսի մեջ հայտնված երկու զինծառայողների մահվան մասին։

Ինչպես հայտնում է Caliber.Az-ը՝ վկայակոչելով գերատեսչությանը, զինծառայողներ Իմանով Ալի Թարիել օղլուի և Համիդով Ռուսլան Ռուստամ օղլուի մարմինները հայտնաբերվել են ձյան շերտի տակ։

Ըստ տեղեկատվության՝ նրանք ձնահյուսի մեջ էին հայտնվել Գեդաբեկի շրջանում հերթապահությունից վերադառնալիս մառախլապատ եղանակին։

Չնայած եղանակային անբարենպաստ պայմաններին, որոնողափրկարարական աշխատանքներն իրականացվել են ադրբեջանական բանակի լիազորված ստորաբաժանումների, Արտակարգ իրավիճակների նախարարության և Ադրբեջանի ավտոմոբիլային ճանապարհների պետական գործակալության կողմից՝ հատուկ տեխնիկայի կիրառմամբ։