Կասպից ծովում կանցկացվեն ադրբեջանա-իրանական AZIREX-2024 մարտավարական զորավարժությունները

AZIREX-2024 համատեղ մարտավարական զորավարժությունները կանցկացվեն Ադրբեջանի և Իրանի Ռազմածովային ուժերի անձնակազմի խմբի և նավերի մասնակցությամբ:

Այս մասին Сaliber.Az-ին հայտնել են Ադրբեջանի ՊՆ մամուլի ծառայությունից։

Զորավարժությունները կանցկացվեն ռազմական և ռազմատեխնիկական համագործակցության համատեղ հանձնաժողովի նիստի արձանագրության համաձայն, որը ստորագրվել է Ադրբեջանի պաշտպանության նախարարության և Իրանի Զինված ուժերի Գլխավոր շտաբի միջև։

Զորավարժություններին մասնակցելու համար հարևան երկիր մեկնած Ադրբեջանի Ռազմածովային ուժերի անձնակազմն ու ռազմանավերը նոյեմբերի 2-ին ժամանել են Անզալի ծովային նավահանգիստ։

«Ծովում որոնողափրկարարական գործողություններ» զորավարժություններին, որոնք կանցկացվեն Կասպից ծովի իրանական հատվածում, կմասնակցեն 2 նավ և Ադրբեջանի Ռազմածովային ուժերի ավելի քան 100 հոգուց բաղկացած անձնակազմ։