Կոչ ենք անում ԵՄ-ին զերծ մնալ տարածաշրջանում ապակայունացմանն ուղղված գործողություններից. ԱԱՀ

Հայաստանում ԵՄ առաքելությունը, որը վերջերս երկարաձգվեց, գործում է այն տարածքներում, որտեղից արտաքսվել են արևմտյան ադրբեջանցիները։

Ինչպես հայտնում է Caliber.Az-ը, այս մասին հայտարարել է Արևմտյան Ադրբեջանի համայնքի մամուլի քարտուղար Ուլվիա Զուլֆիգարը։

«Այն տարածքները, որտեղ ԵՄ առաքելությունը հեռադիտակով հսկում է Ադրբեջանի սահմանը, արևմտյան ադրբեջանցիների պատմական հողերն են։ Եվրոպական միության ներկայացուցիչները, ովքեր իբր հավատարիմ են մարդու իրավունքների պաշտպանությանը, երբեք դիրքորոշում չեն հայտնել իրենց հայրենի հողերից բռնի տեղահանված արևմտյան ադրբեջանցիների հարցում, ավելին զայրացուցիչ գործողություններ են իրականացնում ադրբեջանական կողմի դեմ։ Այստեղ բնական հարց է առաջանում. ո՞րն է այս առաքելության իրական նպատակը։ Եվս մեկ անգամ կոչ ենք անում ԵՄ ներկայացուցիչներին զերծ մնալ տարածաշրջանում ապակայունացմանն ուղղված գործողություններից և արդար դիրքորոշում ցուցաբերել արևմտյան ադրբեջանցիների վերադարձի հարցում»,- նշել է Ուլվիա Զուլֆիգարը։