Մեծ Բրիտանիայի դեսպանատուն. նոր առևտրային բանագնացը կամրապնդի Բաքվի հետ տնտեսական կապերը

Ադրբեջանում և Կենտրոնական Ասիայում Միացյալ Թագավորության առևտրային նորանշանակ բանագնաց Ջոն Օլդերդեյսը առանցքային դեր կխաղա Բաքվի և Լոնդոնի միջև տնտեսական կապերի ամրապնդման գործում:

Ինչպես հայտնում է Caliber.Az-ը, այս մասին ասված է Բաքվում Մեծ Բրիտանիայի դեսպանատան X սոցիալական ցանցում զետեղված գրառման մեջ։

«Լորդ Օլդերդայսը նշանակվել է Ադրբեջանում և Կենտրոնական Ասիայում Միացյալ Թագավորության առևտրային նոր ներկայացուցիչ։ Նա առանցքային դեր կխաղա մեր առաքելության իրականացման գործում՝ զարգացնելու, ամրապնդելու տնտեսական կապերը և ընդլայնելու գործընկերությունը»,- նշել են դիվանագիտական առաքելությունից։