Ադրբեջանի և Ռուսաստանի ԱԻՆ-ները քննարկել են համագործակցության խորացումը

Մոսկվայում տեղի է ունեցել՝ Ադրբեջանի արտակարգ իրավիճակների նախարարի առաջին տեղակալ, գեներալ-լեյտենանտ Ռաֆայել Միրզոևի և Ռուսաստանի քաղաքացիական պաշտպանության, արտակարգ իրավիճակների և աղետների հետևանքների վերացման նախարար, գեներալ-լեյտենանտ Ալեքսանդր Կուրենկովի հանդիպումը։
 
Այս մասին Caliber.Az-ը հայտնել են Ադրբեջանի արտակարգ իրավիճակների նախարարությունում։
 
Հանդիպմանը քննարկվել են՝ տարերային աղետների և տեխնածին միջադեպերի կանխարգելման և հետևանքների վերացման ոլորտում համագործակցության հեռանկարները։
 
Նշվել է՝ 2024-2026 թվականների համատեղ Գործողությունների ծրագրի հաջող իրականացումը, որը կողմերի կողմից ստորագրվել է տարեսկզբին Բաքվում։ Այս համաձայնագրի շրջանակներում ադրբեջանցի մասնագետներն այցելել են՝ ՌԴ ԱԻՆ «Լիդեր» հատուկ ռիսկային փրկարարական օպերացիաների կենտրոն, մասնակցել «Ցենտրոսպաս» ջոկատի և Նոգինսկի փրկարարական կենտրոնի վրա հիմնված՝ միջազգային որոնողափրկարարական աշխատանքներին նվիրված սեմինարին, ինչպես նաև «Համալիր անվտանգություն - 2024» XV միջազգային սրահի միջոցառումներին։ Նաև սեպտեմբերին Աստրախանում դիտորդական վարժանք է անցկացվել՝ Կասպից ծովի հյուսիսային մասում  պայմանական վթարի և նավթի արտահոսքի վերացման նպատակով: