Ադրբեջանը մասնակցում է ՇՀԿ կանանց ֆորումին

Չինաստանի Շանդուն նահանգի Ցինդաո քաղաքում անցկացվում է Շանհայի համագործակցության կազմակերպության (ՇՀԿ) կանանց ֆորումը «Կանանց տնտեսական իրավունքների և հնարավորությունների ընդլայնումը թվայնացման միջոցով» թեմայով։

AZERTAC-ի փոխանցմամբ՝ ֆորումին մասնակցում է նաև Ընտանիքի, կանանց և երեխաների հարցերով պետական կոմիտեի նախագահ Բահար Մուրադովան։

Սեպտեմբերի 11-ին ֆորումի առաջիկա պաշտոնական բացման արարողությանը ելույթ կունենան ՇՀԿ անդամ երկրների կին առաջնորդները, Չինաստանի պաշտոնական անձիք, Համաչինական կանանց ֆեդերացիայի ղեկավարը և Շանհայի համագործակցության կազմակերպության գլխավոր քարտուղարը։ Միջոցառմանը կմասնակցեն 26 երկրների ներկայացուցիչներ։

Նշենք, որ 2001 թվականին ստեղծված Շանհայի համագործակցության կազմակերպությունը ներկայումս ունի 10 մշտական անդամ (Ղազախստան, Չինաստան, Ռուսաստան, Ղրղզստան, Ուզբեկստան, Տաջիկստան, Պակիստան, Հնդկաստան, Իրան և Բելառուս), 2 դիտորդ անդամ (Աֆղանստան և Մոնղոլիա) և 14 երկխոսության գործընկերներ (Ադրբեջան, Թուրքիա, Արաբական Միացյալ Էմիրություններ, Բահրեյն, Հայաստան, Եգիպտոս, Կամբոջա, Կատար, Քուվեյթ, Մալդիվներ, Մյանմա, Նեպալ, Սաուդյան Արաբիա, Շրի Լանկա):