Բաքուն հնդկացիների շրջանում զբոսաշրջային ուղղությունների եռյակում է

Բաքուն հնդիկ զբոսաշրջիկների նախընտրած լավագույն ուղղություններից եռյակում  է։
 
Ինչպես տեղեկացնում է Caliber.Az-ը, այս մասին հայտնում է՝ Ադրբեջանի Զբոսաշրջության պետական ​​գործակալությունը (ԶՊԳ)՝ հղում անելով Skyscanner միջազգային հարթակի արդյունքներին։
 
Զեկույցի համաձայն՝ Բաքուն հնդիկ զբոսաշրջիկների շրջանում ամենապահանջված ուղղություններից է և ամենաշատ որոնված ուղղությունների ցանկում զբաղեցնում է երրորդ տեղը։ Հարթակում Բաքվի նկատմամբ որոնումների հետաքրքրությունն աճել է 438%-ով։
 
Վիետնամի Դանանգը և Ղազախստանի Ալմաթին զբաղեցնում են համապատասխանաբար առաջին և երկրորդ տեղերը։
 
Զեկույցում ասվում է նաև, որ Հնդկաստանից Բաքու ավիատոմսի գները նվազել են 22%-ով, ինչը Բաքուն դարձրել է հնդիկ զբոսաշրջիկների համար ամենամատչելի ուղղություններից մեկը։