Ջաբբարովը՝ Ադրբեջանում «կանաչ տնտեսության» զարգացման մասին

Ադրբեջանի էներգետիկ ոլորտը նոր հնարավորություններ է բացում «կանաչ տնտեսության» զարգացման համար՝ շնորհիվ վերջին տարիների լայնածավալ վերափոխումների։

Report-ի փոխանցմամբ՝ այս մասին հայտարարել է էկոնոմիկայի նախարար Միքայիլ Ջաբբարովը՝ Միլլի Մեջլիսի լիագումար նիստում՝ «2026 թվականի պետական բյուջեի մասին» օրենքի նախագծի առաջին ընթերցման ժամանակ։

Նախարարի խոսքով՝ արդեն ավարտված և մինչև 2027 թվականը շահագործման հանձնվելիք ութ արդյունաբերական արևային և հողմային էլեկտրակայանները, որոնց ընդհանուր հզորությունը կազմում է մոտ 2 ԳՎտ, կներգրավեն մոտ 2.8 միլիարդ դոլարի օտարերկրյա և տեղական ներդրումներ։ Սա ոչ միայն կնպաստի երկրի տնտեսական աճին, այլև հիմք կստեղծի «կանաչ տնտեսության» հետագա զարգացման համար։

«Կասպից ծով-Սև ծով-Եվրոպա» և «Կենտրոնական Ասիա-Ադրբեջան» կանաչ էներգետիկ միջանցքներ ստեղծելու վերաբերյալ համաձայնագրերի ստորագրումը և այս ուղղությամբ աշխատանքների մեկնարկը կամրապնդեն մեր երկրի դերը որպես ռազմավարական էներգետիկ հանգույց, հուսալի էներգիայի արտահանող և կանաչ ներդրումների հարթակ», - ընդգծել է Ջաբբարովը։