Ասադովը ԱԶԲ նախագահին է ներկայացրել Ղարաբաղի ներդրումային ներուժը

Ադրբեջանի վարչապետ Ալի Ասադովը հանդիպել է Ասիական զարգացման բանկի նախագահ Մասատո Կանդայի հետ։

Ինչպես տեղեկացնում է «Ազերթաջ»-ը՝ վկայակոչելով Նախարարների կաբինետին, հանդիպմանը նշվել է, որ Ադրբեջանի և Ասիական զարգացման բանկի միջև առկա է երկարատև, բեղմնավոր գործընկերություն։

Նշվել է, որ Ադրբեջանը մասնակցում է Ասիական զարգացման բանկի նախաձեռնությանը՝ օգնելու ամենաքիչ զարգացած երկրներին, նվիրատվություն է կատարում բանկի Ասիական զարգացման հիմնադրամին։

Շոշափվել է նաև երկրում ձևավորված բարենպաստ ներդրումային և գործարար միջավայրը, տեղեկատվություն է տրամադրվել ազատագրված տարածքների վերականգնման և տնտեսապես վերակենդանացման ուղղությամբ իրականացվող ծրագրերի, ինչպես նաև այդ տարածքների ներդրումային ներուժի վերաբերյալ։