ՎԶԵԲ-ը՝ Ադրբեջանի «կանաչ» աճի համար ներուժի մասին

Շրջակա միջավայրի պաշտպանությունը և սոցիալական ինտեգրացիան կողք կողքի են գնում՝ փոխադարձաբար ամրապնդելով միմյանց և խթանելով տնտեսական աճը բոլոր այն տարածաշրջաններում, որտեղ գործում է Վերակառուցման և զարգացման եվրոպական բանկը (ՎԶԵԲ):
 
Այս մասին Trend-ին հայտարարել է ՎԶԵԲ-ի շրջակա միջավայրի և կայուն զարգացման  դեպարտամենտի տնօրեն Մայա Հեններկեսը:
 
«Այնտեղ, որտեղ շրջակա միջավայրի պաշտպանությունը բարձր է, այն նաև ամրապնդում է բոլոր սոցիալական խմբերի վստահությունը: Պահպանելով բնությունը՝ մենք միաժամանակ նպաստում ենք սոցիալական ինտեգրացիային և աջակցելով այս երկու նպատակներին՝ մենք անխուսափելիորեն աջակցում ենք այն տարածաշրջանների տնտեսական զարգացմանը, որտեղ գործում է Բանկը», - նշել է Հեններկեսը:
 
Նրա խոսքով՝ չնայած կլիմայի փոփոխությունը լուրջ մարտահրավերներ է առաջացնում, այն նաև բացում է նոր հնարավորություններ:
 
««Մենք ականատես ենք լինում ոլորտների լայնածավալ վերափոխման՝ արդյունաբերական և տնտեսական վերակառուցմանը: Դա ստեղծում է նոր, բարձրորակ աշխատատեղեր «կանաչ» ոլորտներում և նոր հնարավորություններ է առաջարկում բիզնեսի համար»- բացատրել է նա:
 
Հեններկեսը ընդգծել է, որ շրջակա միջավայրի և սոցիալական նպատակները միշտ չէ, որ համընկնում են: