Հորադիզ-Ջաբրայիլ-Զանգիլան-Աղբենդ ավտոճանապարհի շինարարությունն ավարտվել է 95 տոկոսով

Հորադիզ-Ջաբրայիլ-Զանգիլան-Աղբենդ ավտոճանապարհի շինարարությունն ավարտվել է 95 տոկոսով։

Сaliber.Az-ի փոխանցմամբ՝ այս մասին հայտարարել է Ադրբեջանի պետական ավտոմոբիլային գործակալությանն առընթեր վերահսկողական ընկերության մասնագետ Զիյադդին Հասանովը։

«Զանգեզուրի միջանցքի շրջանակներում Հորադիզ-Ջաբրայիլ-Զանգիլան-Աղբենդ ավտոմոբիլային ճանապարհի շինարարությունն ավարտվել է 95 տոկոսով։ Ճանապարհի երկարությունը 123,6 կմ է և բաղկացած է երկու հատվածից։ 78,5 կմ երկարությամբ հատվածն ունի վեց երթևեկելի գոտի, իսկ 45,1 կմ երկարությամբ հատվածը՝ չորս գոտի։ Ճանապարհների լայնությունը համապատասխանաբար 14 և 21 մետր է, իսկ ճանապարհային ծածկույթի հաստությունը՝ 21,5 և 29 մետր», - լրագրողներին ասել է Հասանովը։

Ընդհանուր առմամբ, նշել է Հասանովը, ճանապարհը ներառում է 8 խաչմերուկ, 44 ստորգետնյա անցում, 5 վերգետնյա անցում և 314 տարբեր ջրահեռացման համակարգ։

Հասանովը նաև հայտնել է, որ ճանապարհը ներառում է երեք թունել՝ 12 կմ ընդհանուր երկարությամբ։ Հորատման աշխատանքներն արդեն ավարտվել են, հիմա ընթանում է բետոնա-ասֆալտապատման փուլը։