ԱԵ. Ադրբեջանից Հայաստան տարանցիկ հաջորդ բեռնատար գնացքով տեղափոխվում է մոտավորապես 1000 տոննա ղազախական հացահատիկ

Ադրբեջանից Հայաստան տարանցիկ հաջորդ բեռնատար գնացքով տեղափոխվում է  շուրջ 1000 տոննա ղազախական հացահատիկ։
 
Report-ի փոխանցմամբ, այս մասին լրագրողներին հայտարարել է՝ «Ադրբեջանական երկաթուղիներ» (ԱԵ) ՓԲԸ-ի հաղորդակցության  դեպարտամենտի հասարակայնության հետ կապերի ղեկավար Բախտիյար Հաջիևը։
 
Նրա խոսքով՝ բեռը Հայաստան է տեղափոխվում Ադրբեջանի տարածքով.
 
«Ինչպես նախագահ Իլհամ Ալիևը հայտարարել է հոկտեմբերի 21-ին Ղազախստան կատարած պետական ​​այցի ժամանակ, Ադրբեջանը վերացրել է Հայաստան բեռների տարանցման բոլոր սահմանափակումները, որոնք գոյություն ունեին օկուպացիայից ի վեր: Այժմ բեռները տարանցիկ Հայաստան են առաքվում Ադրբեջանի տարածքով: Մեկ օր առաջ Ռուսաստանից Բոյուկ-Քյեսիկ կայարանից Ադրբեջանի  տարածքով Հայաստան է ուղարկվել 15 երկաթուղային վագոն հացահատիկ՝ 1048 տոննա և 800 կգ ընդհանուր ծավալով: Բեռը տեղափոխվում է Վրաստան, իսկ այնտեղից՝ Հայաստան:
 
Բացի այդ, սկսվել է ղազախական հացահատիկի փոխադրումը Հայաստան՝ Ադրբեջանի տարածքով: Նոյեմբերի 5-ին Ադրբեջան է ժամանել Ղազախստանից մոտավորապես 1000 տոննա հացահատիկ տեղափոխող 15 երկաթուղային վագոն: Գնացքն արդեն Բիլաջարի կայարանում է: Այն կշարունակի Բիլաջարի-Հաջիգաբուլ-Բոյուկ-Քյեսիկ երթուղով և կմեկնի Բոյուկ-Քյեսիկ կայարանից: Հաջորդ բեռնափոխադրումները նախատեսվում է ուղարկել Հայաստան Ռուսաստանից և Ղազախստանից՝ Ադրբեջանի  տարածքով», - ասել է նա: