Ադրբեջանի տնտեսական հնարավորությունները կներկայացվեն Ադանայում

Նոյեմբերի 20-ին Թուրքիայի Ադանա քաղաքում՝ Ադրբեջանի տնտեսական հնարավորություններին նվիրված միջոցառում կանցկացվի։
 
AZERTAC-ի փոխանցմամբ՝ շնորհանդեսը կազմակերպվում է՝ Թուրքիա-Ադրբեջան բարեկամության, համագործակցության և համերաշխության հիմնադրամի (TADIV) և Ադանայի արդյունաբերական պալատի (ADASO) կողմից։
 
Սաքըփ Սաբանջիի անվան ADASO-ի համաժողովների դահլիճում քննարկումներին կմասնակցեն՝ Անկարայում Ադրբեջանի դեսպան Ռաշադ Մամեդովը, Թուրքիայում Ադրբեջանի առևտրային ներկայացուցիչ Թամերլան Թաղիևը, Թուրքիայի արտաքին տնտեսական հարաբերությունների խորհրդին (DEIK) առընթեր թուրք-ադրբեջանական գործարար խորհրդի ղեկավար Սելջուկ Աքաթը, ինչպես նաև Թուրքիայի հարավային նահանգների ձեռնարկատերեր։