Բաքուն և Իսլամաբադը աշխատանքային խումբ կստեղծեն՝ համատեղ ՏՏ նախագծերի համար

Ադրբեջանի թվային զարգացման և տրանսպորտի նախարար Ռաշադ Նաբիևը հանդիպել է՝  այցով Բաքվում գտնվող Պակիստանի տեղեկատվական տեխնոլոգիաների և հեռահաղորդակցության դաշնային նախարար Շազա Ֆաթիմա Հավաջայի հետ։
 
Caliber.Az-ի փոխանցմամբ՝ Նաբիևը այս մասին գրել է սոցցանցի իր էջում։
 
«Մենք քննարկել ենք՝ մեր երկրում ինովացիայի և թվային զարգացման ոլորտներում  ներդրվող նորարարությունները։ Մենք համաձայնության ենք եկել ստեղծել աշխատանքային խումբ՝ ՏՏ ոլորտում նորմատիվ-իրավական բազայի ընդլայնելու և այս ոլորտում համատեղ նախագծեր իրականացնելու համար», - նշել է նախարարը։