Բիլաջարի է ժամանել ղազախական հացահատիկով դեպի Հայաստան ուղևորվող գնացքը

Բիլաջարի երկաթուղային կայարան է ժամանել 15 վագոնից բաղկացած բեռնատար գնացքը, որը ղազախական հացահատիկ է տեղափոխում Ադրբեջանի  տարածքով դեպի Հայաստան։
 
Report-ի  փոխանցմամբ՝ բեռը տեղափոխվում է Յալամա-Բիլաջարի-Հաջիգաբուլ-Բոյուկ Քյեսիկ երթուղով։
 
Այնուհետև գնացքը կշարժվի դեպի Վրաստան, որտեղից կուղևորվի դեպի Հայաստանի Դալարիկ կայարան։
 
Հիշեցնենք, որ գնացքը տեղափոխում է 1 048,8 տոննա ցորեն։
 
Ավելի վաղ, Ղազախստան կատարած այցի ժամանակ, նախագահ Իլհամ Ալիևը հայտարարել էր՝ դեպի Հայաստան բեռների տարանցման սահմանափակումների վերացման մասին։