COP29-ին զուգահեռ Բաքվում կանցկացվի Կլիմայի 15-րդ համաշխարհային գագաթնաժողովը

Նոյեմբերի 17-ին Բաքվում կանցկացվի Կլիմայի 15-րդ համաշխարհային գագաթնաժողովը, որը բիզնեսի և պետական հատվածի համար խոշորագույն իրադարձություն  է, և   կանցկացվի COP-ի համաժողովներին զուգահեռ:
 
Ինչպես հայտնում է Report-ը, այս ֆորումը հարթակ է ծառայում լավագույն պրակտիկայի փոխանակման համար կենսական ոլորտներում, որոնք կարևոր նշանակություն ունեն էներգետիկայի, տրանսպորտի, շինարարության, արդյունաբերության, ֆինանսների և բնության ոլորտներում  դեկարբոնացման ջանքերի համար:
 
Այս գագաթնաժողովը կուղղվի պետական-մասնավոր համագործակցության էապես ամրապնդման վրա՝ իրականացնելու քաղաքականությունը, նորարարությունները և ներդրումները, որոնք անհրաժեշտ են 2030 թվականի էներգետիկ անցումային նպատակներին հասնելու, ինչպես նաև մինչև 2050 թվականը շրջակա միջավայրի վրա դրական ազդեցություն ունեցող զրոյական արտանետումների աշխարհ ստեղծելու համար:
 
Քանի որ COP29-ը կարևոր կապող օղակ կդառնա՝ Դուբայում COP28 Global Stocktaking-ի (այսպես կոչված ԱՄԷ-ի  կոնսենսուս) արդյունքների և Բրազիլիայում առաջիկա COP30 կլիմայական պլանի վերանայման նպատակների միջև,  կարևոր է բարձրացնել ինչպես պետական, այնպես էլ մասնավոր հատվածների ֆինանսական պարտավորությունները՝ առաջընթացն արագացնելու համար: