Դեսպան. Ֆիլիպինները հետաքրքրված են ադրբեջանցի զբոսաշրջիկներով

Բանակցություններ են ընթանում՝ Ֆիլիպինների և Ադրբեջանի միջև ուղիղ չվերթների և վիզայի հարցերի շուրջ։
 
Այս մասին Report-ին հայտարարել է նստավայրը Անկարայում գտնվող՝ Ադրբեջանում Ֆիլիպինների դեսպան Հենրի Բենսուրտոն։
 
Նրա խոսքով՝ հիմնական խնդիրը զգալի հեռավորությունն է, որը կարելի է հաղթահարել բարձրորակ օդային ծառայությունների միջոցով։
 
«Մենք կարող ենք քննարկել ուղիղ չվերթների կազմակերպումը կամ օդային կապերի բարելավումը՝ մեր երկրների միջև զբոսաշրջության զարգացումը խթանելու համար։ Սա այն հարցն է, որը մենք անընդհատ քննարկում ենք պաշտոնական մակարդակով։ Իրականում, երկու կողմերն էլ հետաքրքրված են դրանով։ Մեկ այլ գործնական խնդիր է հանդիսանում վիզայի հարցը, որը նույնպես քննարկվում է Ադրբեջանի և Ֆիլիպինների միջև», - ասել է դեսպանը։
 
Բենսուրտոն կարծում է, որ երկրների միջև վիզայի փոխադարձ պահանջները կարող են պարզեցվել միջկառավարական բանակցությունների միջոցով։