Բաքուն ԵՄ-ից պահանջում է Երևանի հետ հավասար ֆինանսական աջակցություն

Եթե Եվրոպական խաղաղության հիմնադրամը որոշի ֆինանսական օգնություն հատկացնել Հայաստանին, ապա նմանատիպ աջակցություն պետք է հատկացվի նաև Ադրբեջանին։

Report-ի փոխանցմամբ՝ այս մասին տարեվերջյան մամուլի ասուլիսում հայտարարել է Ադրբեջանի արտգործնախարար Ջեյհուն Բայրամովը։

Արտաքին քաղաքական գերատեսչության ղեկավարի խոսքով՝ Ադրբեջանն արդեն բարձրացրել է այս հարցը, երբ հիմնադրամը սկսել է միջոցներ հատկացնել Հայաստանին։

Բայրամովը նաև ընդգծել է, որ Բաքուն տեղյակ է Եվրոպական խաղաղության հիմնադրամի՝ Հայաստանին 20 միլիոն եվրո հատկացնելու նախաձեռնության մասին։ «Եթե նման ֆինանսական աջակցություն տրամադրվի Հայաստանին, ապա այն պետք է տրամադրվի նաև Ադրբեջանին նույն չափով», - հայտարարել է Բայրամովը։