Հիքմեթ Հաջիևը՝ Գազայում խաղաղապահ առաքելությանը Ադրբեջանի մասնակցության մասին

Այս փուլում դեռ վաղ է խոսել Գազայի հատվածում միջազգային կայունացման առաքելությանը Ադրբեջանի մասնակցության մասին։

Report-ի փոխանցմամբ՝ այս մասին Nikkei պարբերականին ասել է Ադրբեջանի նախագահի օգնական, նախագահի աշխատակազմի արտաքին քաղաքականության բաժնի ղեկավար Հիքմեթ Հաջիևը։

Հիքմեթ Հաջիևը պարզաբանել է, որ Միացյալ Նահանգները առաջարկել է Ադրբեջանին միանալ առաքելությանը, սակայն վերջնական որոշում դեռևս չի կայացվել։

Ադրբեջանի նախագահի օգնականը նշել է, որ ՄԱԿ-ի Անվտանգության խորհրդի բանաձևը չի պարունակում հստակ տեղեկատվություն Գազայում մարտական գործողությունների վարման կանոնների, առաքելության գործողությունների կատարման կարգի և լիազորությունների վերաբերյալ։