Պակիստանի վարչապետը շնորհավորել է Ադրբեջանի նախագահին

Պակիստանի Իսլամական Հանրապետության վարչապետ Մուհամմադ Շահբազ Շարիֆը շնորհավորական նամակ է հղել Ադրբեջանի նախագահ Իլհամ Ալիևին։

Report-ի փոխանցմամբ՝ նամակում ասվում է.

«Հետհայացք գցելով անցած տարվան՝ ես չափազանց գոհ եմ մեր երկկողմ հարաբերությունների դրական զարգացումից։ Այս հարաբերություններն ավելի են ամրապնդվել այս տարվա փետրվար և մայիս ամիսներին Ձեր գեղեցիկ երկիր կատարած իմ այցից, ինչպես նաև հուլիսին Խանքենդիում կայացած Տնտեսական համագործակցության կազմակերպության 17-րդ գագաթնաժողովին և նոյեմբերին Բաքվում կայացած Հաղթանակի օրվա շքերթին մասնակցելուց հետո։

Ադրբեջան կատարած յուրաքանչյուր այցի հետ ես ավելի ու ավելի եմ հմայվում Ձեր երկրի գեղեցկությամբ և բնության հարստությամբ, և իմ սերը Ձեր բարեկամական և հյուրընկալ եղբայրական ժողովրդի նկատմամբ ավելի է ուժեղացել։

Մեր տնտեսական համագործակցությունը նույնպես հաջողությամբ զարգանում է, և մենք այժմ վերջնականապես որոշում ենք Պակիստանում Ադրբեջանի կողմից 2 միլիարդ դոլարի ներդրման պայմանները։ Այս նախագիծը կփոխի մեր ժողովուրդների կյանքը՝ միաժամանակ ապահովելով փոխշահավետ տնտեսական համագործակցություն»։