Ադրբեջանի նախաձեռնությամբ ՄԱԿ-ը հրապարակել է անհետ կորած անձանց վերաբերյալ հռչակագիր

ՄԱԿ-ում Ադրբեջանի Հանրապետության մշտական ներկայացուցչության կողմից ներկայացված հուշագիրը և դրան կից հռչակագիրը պաշտոնապես հրապարակվել են որպես ՄԱԿ-ի Գլխավոր ասամբլեայի և Անվտանգության խորհրդի փաստաթղթեր։

Report-ի փոխանցմամբ՝ 2025 թվականի դեկտեմբերի 8-ին ՄԱԿ-ում Ադրբեջանի մշտական ներկայացուցիչ Թոֆիկ Մուսաևը նամակ է հղել ՄԱԿ-ի գլխավոր քարտուղարին՝ ներկայացնելով Բաքվում անցկացված միջազգային համաժողովում ընդունված հռչակագիրը, որը նվիրված էր անհետ կորած անձանց հարցի լուծման համար ջանքերի միավորմանը և համագործակցության ամրապնդմանը։

Հռչակագրում խորը մտահոգություն է հայտնվում զինված հակամարտությունների հետևանքով անհետ կորած անձանց թվի աճի վերաբերյալ և վերահաստատվում է ընտանիքների իրավունքը՝ իմանալու իրենց սիրելիների ճակատագիրը։ Փաստաթղթում ընդգծվում է պետությունների կողմից միջազգային մարդասիրական իրավունքի և մարդու իրավունքների նկատմամբ հարգանքի կարևորությունը։

Փաստաթղթում առաջարկվում է ամրապնդել պետությունների, միջազգային կազմակերպությունների և ոչ կառավարական կազմակերպությունների միջև համագործակցությունը՝ անհետ կորած անձանց հարցը լուծելու, լավագույն փորձը փոխանակելու և դատաբժշկական փորձաքննություններն ու նոր տեխնոլոգիաները կիրառելու համար։