ԱԳՆ ղեկավար. Թուրքիան հատկապես զգայուն է վերաբերվում ադրբեջանա-հայական հարաբերությունների նկատմամբ

Ադրբեջանի ԱԳՆ ղեկավար  Ջեյհուն Բայրամովը հայտարարել է, որ ստեղծված իրավիճակը բարենպաստ է Վաշինգտոնի համար՝ Ազատության աջակցության ակտի մասին օրենքի 907-րդ ուղղումը ամբողջությամբ չեղարկելու համար։
 
Report-ի փոխանցմամ,՝ նախարարն այս մասին հայտարարել է մամուլի ասուլիսում՝ տարվա արդյունքները ներկայացնելիս։
 
Նա նշել է, որ 2025 թվականը շատ դրական և հագեցված է եղել՝ ադրբեջանա-ամերիկյան հարաբերությունների համատեքստում։
 
«Վաշինգտոնում [օգոստոսի 8-ին Ադրբեջանի և Միացյալ Նահանգների ղեկավարների միջև] հանդիպման ժամանակ ստորագրվել է փաստաթուղթ, որով չեղարկվում է 907-րդ ուղղումը։ Սա կարևոր քայլ է։ Ընդհանուր առմամբ, այս փոփոխության մեր երկրի նկատմամբ կիրառումը անարդար և չարդարացված էր։ Ադրբեջանն անտրամաբանական է համարում 907-րդ ուղղումը պահպանելը ներկայիս պայմաններում», - ընդգծել է նախարարը։
 
Նախարարը նաև նշել է, որ Թուրքիան համակարգում է իր ջանքերը Ադրբեջանի հետ՝ Հայաստանի հետ հարաբերությունները կարգավորելու համար։
 
Նա ընդգծել է, որ Թուրքիան եղբայրական պետություն է և Ադրբեջանի դաշնակիցը. «Այս հարաբերությունները  նմանօրինակը չունեն։ Այս հարաբերությունները հիմնված են պատմական կապերի, բարեկամության և եղբայրության վրա։ Թուրքիան հատկապես զգայուն է վերաբերվում ադրբեջանա-հայական հարաբերությունների նկատմամբ»։