Մեհրիբան Ալիևան կարգադրություն է արել՝ ուղղափառ եկեղեցու վերանորոգման մասին ՊԱՇՏՈՆԱԿԱՆ/ ԼՈՒՍԱՆԿԱՐ

Ադրբեջանի Հանրապետության առաջին փոխնախագահ, Հեյդար Ալիևի Հիմնադրամի նախագահ Մեհրիբան Ալիևան և նրա դուստրերը՝ Լեյլա և Արզու Ալիևան, այցելել են Գյանջա քաղաքի Սուրբ Երանելի Մեծ Դքս Ալեքսանդր Նևսկու եկեղեցի։

Ինչպես Caliber.Az-ին հայտնել  են՝ Ռուս ուղղափառ եկեղեցու Բաքվի և Ադրբեջանի թեմի մամուլի ծառայությունից, եկեղեցում հարգարժան հյուրերին ողջունել է՝ եկեղեցու  վանահայր, քահանա Բարդուղիմեոս Սոտնիկովը: Նա   պատմել է եկեղեցու պատմության և ներկա վիճակի մասին։
 
Նշվել է, որ Ադրբեջանի հնագույն ուղղափառ եկեղեցիներից մեկը հանդիսացող այս եկեղեցին՝ մի շարք վերանորոգման և վերականգնման աշխատանքների կարիք ունի:։
 
Եկեղեցու շենքի զննության ժամանակ Մեհրիբան Ալիևան ընդգծել է երկրի պատմական և կրոնական ժառանգության պահպանման կարևորությունը՝ նշելով, որ աղոթատեղիների և նյութական մշակույթի հուշարձանների պահպանությունն ու վերականգնումը մշտապես գտնվում են Ադրբեջանի  պետության ուշադրության կենտրոնում։ Համապատասխան հանձնարարություններ են տրվել՝ Ալեքսանդր Նևսկու եկեղեցում աշխատանքներ իրականացնելու համար։
Նշենք, որ ռուս ուղղափառ այս եկեղեցին Գյանջայում կառուցվել է 1887 թվականին։ Տաճարը կառուցվել է աղյուսից բյուզանդական ոճով՝ ինչպես տեղացի ուղղափառների, այնպես էլ մահմեդականների նվիրատվություններով: