Պակիստանը կնշանակի համակարգող՝ Ադրբեջանի հետ երկկողմ նախագծերը խթանելու համար

Պակիստանը կնշանակի համակարգող՝ Ադրբեջանի հետ համատեղ նախագծերը խթանելու և առևտրային գործընկերությունն ամրապնդելու համար։
 
Այս մասին հաղորդում է Report-ը՝ հղում անելով Պակիստանի Հատուկ ներդրումային խորհրդի (SIFC) տեղեկատվությանը։
 
Նշվում է, որ նման պայմանավորվածություն է ձեռք բերվել՝ Պակիստանում Ադրբեջանի դեսպան Խազար Ֆարհադովի և Պակիստանի սեփականաշնորհման, ներդրումների և  հաղորդակցությունների նախարար Աբդուլ Ալիմ Խանի հանդիպման ժամանակ։
 
Նախարարը մատնանշել է երկկողմ համագործակցության ընդլայնման ներուժը տարբեր ոլորտներում, այդ թվում՝ զբոսաշրջության ոլորտում. «Մենք պետք է մեր հարաբերությունները փոխակերպենք բիզնեսի և երկկողմանի առևտրի, և երկու կողմերն էլ դրական առաջընթաց են գրանցում այդ նպատակին հասնելու  ուղղությամբ»:
 
Խանը հրավիրել է Ադրբեջանի ընկերություններին ներդրումներ կատարել Պակիստանում և առևտրային ձեռնարկություններ բացել՝ միջկառավարական  (G2G) և միջկորպորատիվ (B2B) համաձայնագրերի և պայմանագրերի շրջանակներում: