Ադրբեջանը, Ղազախստանը և Ուզբեկստանը կհամագործակցեն «կանաչ» էներգիայի ոլորտում

Ադրբեջանի, Ղազախստանի և Ուզբեկստանի միջև ռազմավարական գործընկերություն է իրականացվելու՝ «կանաչ» էներգիայի զարգացման և փոխանցման ոլորտում։
 
Ինչպես հայտնում է Caliber.Az-ը, դա արտացոլված է՝ «Ադրբեջանի Հանրապետության, Ղազախստանի Հանրապետության և Ուզբեկստանի Հանրապետության միջև՝ կանաչ էներգիայի զարգացման և փոխանցման ոլորտում ռազմավարական գործընկերության մասին համաձայնագիրը հաստատելու մասին» օրենքի նախագծում, որն ընդգրկված է Միլլի Մեջլիսի միջազգային հարաբերությունների և միջխորհրդարանական կապերի հանձնաժողովի այսօր կայանալիք նիստի օրակարգում։