ԱԳՆ. Ադրբեջանն ընտրվել է COP16 բյուրոյի անդամ

Դեկտեմբերի 2-13-ը՝ Էր-Ռիադում (Սաուդյան Արաբիա) կայացած ՄԱԿ-ի անապատացման դեմ պայքարի կոնվենցիայի (COP16) Կողմերի համաժողովի 16-րդ նստաշրջանի շրջանակներում Ադրբեջանը միաձայն ընտրվել է՝ որպես COP16 բյուրոյի անդամ և Կենտրոնական ու Արևելյան Եվրոպայի տարածաշրջանային խմբի երկու տարի ժամկետով նախագահ։
 
Ինչպես Caliber.Az-ին հայտնել են ԱԳՆ-ից, իր նախագահության ընթացքում՝ Ադրբեջանը կկատարի նաև կողմերի համաժողովի փոխնախագահի պարտականությունները։
 
Խմբի կազմում՝ Ադրբեջանի Հանրապետության հետ մեկտեղ ներառված են Արևելյան և Կենտրոնական Եվրոպայի 15 պետություններ։
 
ՄԱԿ-ի անապատացման դեմ պայքարի կոնվենցիայի Արևելյան և Կենտրոնական Եվրոպայի խմբի տարածաշրջանային գործողությունների ծրագիրը, որը ստեղծվել է 2001 թվականին COP5-ի շրջանակներում, հաստատվել է 2015 թվականին: Այն սահմանում է այնպիսի առաջնահերթ ոլորտներ, ինչպիսիք են տարածաշրջանային գործունեության ուժեղացումը և էկոլոգիաական գյուղատնտեսության զարգացումը: COP16 բյուրոյի, որը ներկայացնում է 12 տարածաշրջաններ, հիմնական խնդիրներն են՝ վերահսկել COP որոշումների կատարումը և կազմակերպել ապագա հանդիպումներ: COP բյուրոն նաև վերահսկում է պարտավորությունների կատարումը նիստերի միջև ընկած ժամանակահատվածում: