Բաքուն և Ստոկհոլմը քննարկել են Կասպիում նախագծերի շուրջ համագործակցությունը

Ադրբեջանը և Շվեդիան քննարկել են` Կասպից ծովում հողմային էներգիայի նախագծերի շուրջ համագործակցության հարցեր։
 
Ինչպես հայտնում է Caliber.Az-ը, այդ ուղղությամբ համագործակցության հեռանկարները քննարկվել են՝ Ադրբեջանի էներգետիկայի նախարարությանն առընթեր վերականգնվող էներգիայի աղբյուրների պետական ​​գործակալության տնօրեն Ջավիդ Աբդուլլաևի և Ադրբեջանում Շվեդիայի արտակարգ և լիազոր դեսպան Թոբիաս Լորենցսոնի հանդիպմանը։
 
Հանդիպմանը մասնակցել են նաև շվեդական Emtung ընկերության ներկայացուցիչները։
 
Հանդիպման ընթացքում տեղեկատվություն է ներկայացվել՝ Կասպից ծովում և ափամերձ հողմային էներգիայի ներուժի, Ադրբեջանում վերականգնվող էներգետիկայի իրականացվող նախագծերի, միջազգային «կանաչ» էներգետիկ միջանցքների ստեղծման, էներգետիկ ոլորտում զարգացման գործընթացների և էներգետիկ անցման փորձի մասին: