Բաքվում ներկայացվել է Made in Turan ապրանքանիշի առաջին արտադրանքը

Թուրքալեզու երկրներից ապրանքները շուկաներ կմատակարարվեն Made in Turan ապրանքանիշով։
 
Ըստ Report-ի, այս մասին Բաքվում էլեկտրոնային առևտրի և արտահանման ֆորումում հայտարարել է՝ Ադրբեջանի ֆրանչայզինգի ասոցիացիայի խորհրդի նախագահ Ջամիդ Մովսումովը։
 
«Այսօր այս միջոցառմանը ներկայացվել է Made in Turan ապրանքանիշի առաջին արտադրանքը։ Մենք ցանկանում ենք, որ այս ապրանքանիշով շուկա դուրս գա բարձրորակ արտադրանք: Made in Turan ապրանքանիշի ներքո կարտադրվեն ոչ միայն պարենային ապրանքներ, այլև ոչ պարենային ապրանքներ և ծառայություններ կմատուցվեն»,- նշել է Ջամիդ Մովսումովը։