ԿԸՀ. Ընտրությունների բոլոր մասնակիցների համար ստեղծված են համապարփակ պայմաններ և լայն հնարավորություններ

Օգոստոսի 30-ին Կենտրոնական ընտրական հանձնաժողովի (ԿԸՀ) նախագահ Մազահիր Փանահովը հանդիպել է՝ Շանհայի համագործակցության կազմակերպության (ՇՀԿ) դիտորդական առաքելության ղեկավար Նուրան Նիյազալիևի գլխավորած պատվիրակության հետ, ով այցով Ադրբեջանում է գտնվում Միլլիի Մեջլիսի արտահերթ ընտրությունները դիտարկելու նպատակով։
 
AZERTAC-ի փոխանցմամբ՝ Կենտրոնական ընտրական հանձնաժողովի նախագահ Մ.Փանահովն ասել է, որ Միլլի Մեջլիսի ընտրություններն առաջին անգամ կանցկացվեն Ադրբեջանի ողջ ինքնիշխան տարածքում, և ընտրությունների բոլոր մասնակիցների համար ստեղծված են համապարփակ պայմաններ և լայն հնարավորություններ։
 
Ըստ ԿԸՀ նախագահի, օկուպացիայից ազատագրված տարածքներում հատուկ ուշադրություն է դարձվում՝ ընտրությունների նախապատրաստմանը և բարձր մակարդակով անցկացմանը: Այս տարածքներում քվեարկելու իրավունք ունեցող ավելի քան 42 հազար ընտրողների համար ստեղծվել է 54 ընտրատեղամաս՝ իրենց սահմանադրական իրավունքները իրացնելու համար։ Ուշադրության է ներկայացվել, որ Միլլի Մեջլիսի ընտրություններին մասնակցում է 990 թեկնածու, և ստեղծվել են բոլոր հնարավորությունները՝ օրենքի պահանջներին համապատասխան, ազատ նախընտրական ընտրարշավ իրականացնելու համար։ Մ.Փանահովն ասել է, որ ընտրությունների դիտարկմանը միացել են ավելի քան 600 միջազգային և ավելի քան 112 հազար տեղական դիտորդներ, երկրի ողջ աշխարհագրությունը ընդգրկող 1000 ընտրատեղամասերում տեղադրվել են  վեբ-տեսախցիկներ՝  քվեարկության օրվա գործընթացներին առանց որևէ գրանցման անմիջական և շարունակական դիտարկման համար։ Նա նաև ընդգծել է, որ տեսողական խնդիրներ ունեցողների համար, ովքեր կմասնակցեն քվեարկությանը, պատրաստվում են տրաֆարետներ։