Վարդանյանը ցանկանում է նորից ծանոթանալ նիստերի արձանագրություններին ԼՈՒՍԱՆԿԱՐ

Ապրիլի 8-ին շարունակվել է Հայաստանի քաղաքացի Ռուբեն Վարդանյանի գործի քննությունը, ով մեղադրվում է խոշտանգումների, վարձկանության, պատերազմի օրենքների ու սովորույթների խախտման, ահաբեկչության, ահաբեկչության ֆինանսավորման մեջ և Ադրբեջանի Հանրապետության Քրեական օրենսգրքի այլ հոդվածներով։

ԱԶԵՐԹԱՋ-ի փոխանցմամբ՝ Բաքվի զինվորական դատարանում դատավոր Զեյնալ Աղաևի նախագահությամբ տեղի ունեցած դատական նիստում մեղադրյալն ապահովվել է թարգմանիչով և իր ընտրած փաստաբանով:

Մեղադրյալ Ռուբեն Վարդանյանը և նրա փաստաբան Ավրահամ Բերմանը կրկին դիմել են դատարանին՝ նիստերի արձանագրություններին նորից ծանոթանալու խնդրանքով։ Նախագահող դատավոր Զեյնալ Աղաևն ասել է, որ իրենց համար պայմաններ կստեղծվեն դրանց կրկին ծանոթանալու համար։

Տուժող Վահիդ Ալիևը հայտնել է, որ վիրավորվել է հայկական բանակի կողմից իրականացված ռազմական սադրանքի ժամանակ գնդակոծության հետևանքով, տարբեր աստիճանի վնասվածքներ են ստացել նաև իր մի քանի ընկերներ, ոմանք էլ զոհվել են։

Տուժող Անար Ջալալովը հայտնել է, որ վիրավորվել է հայկական զինված ուժերի կողմից ռազմական սադրանքի ժամանակ արձակված հրետանային արկի պայթյունի հետևանքով։ Նա նշել է, որ ինքը զորամասի շտաբի պետն է եղել և ասել. «Հակառակ կողմից հրետանային կրակ բացվեց, ինչի հետևանքով մեր զինծառայողներից եղան վիրավորներ և զոհեր»։