Խալաֆովն ու Գալուզինը քննարկել են քաղաքական երկխոսության խորացումը

Ռուսաստանի արտաքին գործերի փոխնախարար Միխայիլ Գալուզինը հանդիպել է աշխատանքային այցով Մոսկվայում գտնվող Ադրբեջանի նախագահի հատուկ հանձնարարությունների գծով ներկայացուցիչ Խալաֆ Խալաֆովի հետ։

Ինչպես հաղորդում է Caliber.Az-ը՝ հղում անելով ՌԴ ԱԳՆ կայքի հաղորդագրությանը, կողմերն ընդգծել են Մոսկվայի և Բաքվի միջև կապերի հետագա ամրապնդման իրենց շահագրգռվածությունը՝ համաձայն Ռուսաստանի Դաշնության և Ադրբեջանի Հանրապետության միջև դաշնակցային համագործակցության մասին հռչակագրի, որը ստորագրվել է երկու երկրների բարձրագույն ղեկավարների կողմից 2022 թվականի փետրվարի 22-ին:

Հանդիպմանը դիտարկվել են քաղաքական երկխոսության խորացման և առևտրատնտեսական համագործակցության խորացման հարցեր։ Առանձնահատուկ ուշադրություն է դարձվել Ադրբեջանում ռուսական մշակութային, հումանիտար և տեղեկատվական ներկայության գործնական ասպեկտներին։