Մալայզիայի և Ադրբեջանի ԱԳ փոխնախարարները քաղաքական խորհրդակցություններ կանցկացնեն

Մալայզիայի փոխարտգործնախարար Դաթուկ Մոհամադ Ալամինը ապրիլի 14-ից 16-ը կայցելի Բաքու։

Այս մասին հայտնում է Report-ը՝ հղում անելով իր աղբյուրներին։

Այցի շրջանակներում նա Ադրբեջանի փոխարտգործնախարար Էլնուր Մամեդովի հետ կհամանախագահի Մալայզիա-Ադրբեջան երկրորդ քաղաքական խորհրդակցությունները։

Բանակցությունների ընթացքում կողմերը կքննարկեն երկկողմ հարաբերությունների ողջ սպեկտրը՝ քաղաքական և տնտեսականից մինչև հյուպատոսական և հումանիտար, երկու երկրների միջև համագործակցության հետագա ամրապնդման նպատակով։