Օդեսայում կհայտնվի ադրբեջանական զբոսայգի

Օդեսայում ադրբեջանական զբոսայգի ստեղծելու վերաբերյալ նախնական համաձայնություն է ձեռք բերվել։
 
Ինչպես հաղորդում է AZERTAC-ը, այս մասին սոցցանցերի իր էջում հայտնել է Օդեսայի քաղաքապետ Գենադի Տրուխանովը։ «Օդեսան լավ ավանդույթներ ունի՝ մեր ընկերների կողմից ստեղծված զբոսայգիներ։ Ստամբուլը և «հունական զբոսայգիները, իսկ հիմա նրանց կմիանա նաև ադրբեջանական զբոսայգին», - գրել է Տրուխանովը։
 
Քաղաքապետի խոսքով, զբոսայգու ստեղծման մանրամասները քննարկվել են՝ ադրբեջանական սփյուռքի ներկայացուցիչների հետ հանդիպման ժամանակ։ Նախագիծը, որի ծրագիրը ուրվագծվել էր դեռևս 2013 թվականին, ամբողջությամբ ֆինանսավորվում է ադրբեջանական սփյուռքի կողմից։
 
Քաղաքապետի հետ հանդիպմանը մասնակցած «Բիրլիք» կազմակերպության խորհրդի անդամ Այազ Ալիևը AZERTAC-ին ասել է, որ զբոսայգում նախատեսվում է կառուցել Օդեսայի ամենագեղեցիկ շատրվանը, թանգարան, որի ցուցանմուշները կպատմեն Ադրբեջանի մասին, երեխաների համար հանգստի գոտի, հատուկ մարզահրապարակ, ինչպես նաև «Ադրբեջան» լուսանկարչական գոտի։ Այգու ընդհանուր մակերեսը կկազմի 3.15 հեկտար։