Ro-Pax տիպի «Զարիֆա Ալիևա» լաստանավը առաջին նավարկության է դուրս եկել

Ապրիլի 28-ին Ադրբեջանի նախագահ Իլհամ Ալիևի մասնակցությամբ շահագործման հանձնված Ro-Pax տիպի «Զարիֆա Ալիևա» լաստանավը, որը պատկանում է «Ադրբեջանի կասպյան ծովային նավագնացություն» ՓԲԸ-ին (ASCO), այսօր առաջին նավարկության է դուրս եկել:

Այս մասին հայտնում է Caliber.Az-ը՝ հղում կատարելով ASCO-ին։

«Զարիֆա Ալիևա» լաստանավն առաջին նավարկությունն է կատարում դեպի Ղազախստանի Կուրըկ նավահանգիստ:

30 հոգուց բաղկացած մշտական անձնակազմ ունեցող ունիկալ նավը ունի 154,50 մետր երկարություն, 17,7 մետր լայնություն և 7,5 մետր բարձրություն։ Այս պահին նավը իր բեռնատարողությամբ ավելի մեծ է, քան Կասպից ծովի մյուս լաստանավերը:

Լաստանավը կարող է տեղափոխել 100 ուղևոր, 56 ցիստեռն կամ 50 բեռնատար (TIR): Ակնկալվում է, որ «Զարիֆա Ալիևա» լաստանավը զգալի ներդրում կունենա Կասպից ծովով տարանցիկ բեռնափոխադրումների ընդլայնման գործում Արևելք-Արևմուտք տրանսպորտային միջանցքով։