Ռուսաստանի Քննչական կոմիտեի ղեկավարը զանգահարել է Ադրբեջանի գլխավոր դատախազին Թեման՝ AZAL ինքնաթիռի կործանումը / ՄԱՆՐԱՄԱՍՆԵՐ

Կիրակի օրը՝ դեկտեմբերի 29-ին, ՌԴ Քննչական կոմիտեի նախագահ Ա. Բաստրիկինը հեռախոսազրույց է ունեցել ԱՀ գլխավոր դատախազ Քյամրան Ալիևի հետ։

Ինչպես հայտնում է Caliber.Az-ը՝ հղում անելով ՌԴ Քննչական կոմիտեին, գերատեսչությունների ղեկավարները քննարկել են Ղազախստանի Հանրապետության Ակտաու քաղաքի մոտ «Ադրբեջանական ավիաուղիների» ինքնաթիռի կործանման հանգամանքների հետաքննության ընթացքը։

«Օդանավում եղել են երկու երկրների, ինչպես նաև Ղազախստանի և Ղրղզստանի Հանրապետության քաղաքացիներ։ Խոսքը ռուս քննիչների և քրեագետների ու Ադրբեջանի Հանրապետության և Ղազախստանի Հանրապետության քննչական և օպերատիվ խմբերի գործընկերների միջև հաստատված համակողմանի փոխգործակցության մասին էր:

Բաստրիկինը վստահեցրել է, որ ռուսական կողմից ներգրավվել են օդանավերի վթարների հետաքննության ոլորտում ՌԴ Քննչական կոմիտեի կենտրոնական ապարատի ամենափորձառու աշխատակիցները, որոնք հագեցած են քրեագիտական առաջադեմ սարքավորումներով։