Ռուսաստանն աջակցում է Հայաստանին Ադրբեջանի հետ տրանսպորտային միջանցք ստեղծելու հարցում

Ռուսաստանն աջակցում է Հայաստանին Ադրբեջանի հետ «Թրամփի երթուղի» անվամբ տրանսպորտային միջանցք ստեղծելու ծրագրերում, եթե Երևանը դա անհրաժեշտ համարի։

Ինչպես հաղորդում է ՏԱՍՍ-ը, այս մասին լրագրողներին ասել է Ռուսաստանի փոխվարչապետ Ալեքսեյ Օվերչուկը։

«Մենք այս հարցը դիտարկում ենք նման հարթությունում։ Հայաստանը մեր ռազմավարական դաշնակիցն է, և եթե Հայաստանը կարծում է, որ իրենց համար ինչ-որ բան լավ է, ապա, իհարկե, մենք այստեղ աջակցում ենք Հայաստանին», - ասել է նա՝ պատասխանելով համապատասխան հարցին։