Ադրբեջանը Հայաստանի հետ սահմանի սահմանազատման պետական հանձնաժողով է ձևավորել

Ադրբեջանի նախագահ Իլհամ Ալիևը կարգադրություն է ստորագրել Հայաստանի հետ սահմանի սահմանազատման պետական հանձնաժողով ստեղծելու մասին:

Ինչպես տեղեկացնում է Caliber.Az-ը, պետական հանձնաժողովի նախագահ է նշանակվել փոխվարչապետ Շահին Մուստաֆաևը:

Պետական հանձնաժողովի կազմում ընդգրկված են Նախչըվանի Ինքնավար Հանրապետության փոխվարչապետը, Ադրբեջանի Հանրապետության արտաքին գործերի փոխնախարարը, Ադրբեջանի Հանրապետության ներքին գործերի փոխնախարարը, Ադրբեջանի Հանրապետության բնապահպանության և բնական պաշարների փոխնախարարը, Ադրբեջանի Հանրապետության արդարադատության փոխնախարարը, Ադրբեջանի Հանրապետության գյուղատնտեսության փոխնախարարը, Ադրբեջանի Հանրապետության պաշտպանության փոխնախարարը, Ադրբեջանի Հանրապետության պետական անվտանգության ծառայության պետի առաջին տեղակալը, Ադրբեջանի Հանրապետության պետական սահմանապահ ծառայության պետի տեղակալը, Ադրբեջանի Հանրապետության արտաքին հետախուզության ծառայության պետի տեղակալը, «Մելիորացիա և ջրային տնտեսություն» բաց բաժնետիրական ընկերության նախագահի տեղակալը, Ադրբեջանի Հանրապետության էկոնոմիկայի նախարարությանն առընթեր գույքային հարցերի պետական ծառայության ղեկավարը, Ադրբեջանի Հանրապետության նախագահի աշխատակազմի օրենսդրության և իրավական քաղաքականության վարչության պետը, Գազախի, Աղստաֆայի, Թովուզի, Գեդաբեկի, Դաշքեսանի, Քելբաջարի, Լաչինի, Գուբադլիի, Զանգիլանի շրջանների գործադիր իշխանության ղեկավարները։